माझे विश्व

सगळं कस आपोआप होत, तुला पाहण्या मन आतुर होतं, मनामध्ये काहूर माजत, साऱ्या दिशा अंधारून जातात, पाय आपोआप तुझ्याचकडे वळतात, सगळं कस आपोआप होत, तुला पहाता,  भोवतालचं जग विसरून जात, मनातलं काहूर शांत होतं, सगळीकडे थंड गार वार वहात,    सगळं कस आपोआप होत, तुझा हात हाती येता, शब्द माझे मुके होतात, मुक्यानेच बोलू लागतात, अंतर्मनाच्या पडद्यावर तुझा स्पर्श साठवून ठेवतात !!!

तुझ्याविन माझे जग थांबलेले, तारीख बदलली पण दिन थांबलेले, जीवनक्रमाच्या चाकोरीत सर्व बांधलेले, तुझ्याविन माझे जग थांबलेले !!! ना दुःखाची चिंता, ना सुखाची आस तुझ्याविन जिने हे सारे उदास, आलेला दिवस पुढे लोटाने,  याहून आता काही नाही राहिलेले, तुझ्याविन माझे जग थांबलेले !!! साद नभांची, फुला पाखरांची, ना राहिली आस मला चिंब होण्याची, रात्रंदिवस तुझ्या भोवती गूंफिलेले, तुझ्याविन माझे जग थांबलेले !!!